YIJING(O‘zbek tilidagi tarjimasi)

Kitob haqida qisqacha ma’lumot

“YIJING” (O‘zgarishlar kitobi) — Xitoy sivilizatsiyasining eng qadimiy va eng muhim falsafiy-matnlaridan biridir. Miloddan avvalgi XII asrdan oldin shakllangan bu asar, asrlar davomida nafaqat Xitoy, balki butun Sharqiy Osiyo madaniyati, siyosati, tibbiyoti, san’ati va strategiyasiga chuqur ta’sir ko‘rsatgan.

Kitob 64 ta gua (belgi/ramz) dan iborat bo‘lib, har bir gua olti chiziqdan (yao) tashkil topgan. Bu chiziqlar Yin (uzilgan chiziq) va Yang (tutash chiziq) kuchlarining o‘zaro ta’sirini ifodalaydi. “Yijing” tabiat va inson hayotidagi o‘zgarishlarni kuzatish, ularni anglash va ularga moslashish yo‘llarini o‘rgatadi.

Ushbu nashr — “Yijing”ning o‘zbek tilidagi ilk to‘liq tarjimasidir. Unda har bir guaning asl matni, izohi va hayotiy saboqlari keltirilgan. Kitob falsafa, psixologiya, boshqaruv va shaxsiy rivojlanish bilan qiziquvchi barcha o‘quvchilar uchun mo‘ljallangan.